Мевазор – замонавий қиёфа ва қулайликларга эга маҳалла

14:53 29 Июль 2025 Жамият
151 0

Шаҳрисабз туманидаги Мевазор маҳалласида барпо этилган гузар фойдаланишга топширилди. Шу муносабат билан ўтказилган тантанали тадбирда маҳалла аҳли, вилоят, туман ҳокимликлари масъуллари ҳамда кенг жамоатчилик вакиллари иштирок этди.

Унда сўзга чиққанлар томонидан таъкидланганидек, жорий йил бошида маҳаллани ишсизликдан холи ҳудудга айлантириш, зарур ижтимоий-иқтисодий объектларни қуриш бўйича ишлар бошлаб юборилган эди.

Ўтган давр ичида ҳудудда янги маҳалла биноси, кутубхона, спорт заллари, ижтимоий хизматлар маркази, сартарошхона, озиқ-овқат дўконлари, ўқув марказлари, овқатланиш шохобчалари, тикувчилик фабрикалари ҳамда нуронийлар маскани барпо этилди. Йўллар, зарур инфратузилма тармоқлари тубдан яхшиланди.

Натижада бугун Мевазор маҳалласи обод ва файзли гўшага айланди, юзлаб янги иш ўринлари яратилди.

Жаҳонгир БОЙМУРОДОВ

«Халқ сўзи»

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер