«Манчестер Сити» футболчиси фаолиятини «Ал-Наср»да давом эттириши мумкин
Саудия Арабистонининг «Ал-Наср» жамоаси «Манчестер Сити» футболчиси Фил Фоденнинг трансферига қизиқиш билдирмоқда. Бу ҳақда «Fichajes» нашри хабар берди.
Унда айтилишича, Саудия клуби Фоденнинг трансфери учун 130 миллион евро тўламоқчи. Жамоа айни пайтда музокара ўтказишга тайёргарлик кўрмоқда.
«Манчестер Сити» раҳбарияти эса ҳозирча футболчисини қўйиб юбориш ниятида эмас. Пеп Гвардиола Фоденни жамоанинг асосий таркибидаги муҳим бўғинларидан бири сифатида кўради. У айниқса, сўнгги мавсумларда ҳужум ва ярим ҳимоя чизиғида кўплаб ҳал қилувчи голлар ва паслар муаллифига айланган.
Шунга қарамай, Саудия Арабистони клубларининг молиявий имкониятлари «Сити»ни ҳам ўйлантириб қўйиши мумкин. 130 миллион евролик таклиф Европа футбол бозорида ҳам катта сумма ҳисобланади.
Маълумот учун, Фил Фоден «Манчестер Сити» билан Премьер-лигада жами 194 та ўйин ўтказиб, 62 та гол урган ва 29 та голли узатма амалга оширган.
Тавсия этамиз
Кўп ўқилганлар
- Ўрта Осиёдаги энг баланд янги йил арчаси — Наманганда
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Ялдо туни: Ерликлар бугун энг узун тун ва энг қисқа кунга гувоҳ бўлади
- Муҳаммад Ризо Огаҳий номидаги халқаро мукофот совриндорлари маълум бўлди
- Ҳоким ёрдамчиси кимга ёрдамчи?
- Хонанда Раҳматилло Юсупов 44 ёшда вафот этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг