«Лочин» учинчи мавсумда ҳам пешқадам
Жаҳонгир БОЙМУРОДОВ/«Халқ сўзи». Қарши шаҳридаги Геолог стадионида футбол бўйича ҳар йили анъанавий равишда ўтказиб келинаётган «Вилоят кубоги-2024» мусобақасининг финал учрашуви бўлиб ўтди.
Унда барча рақибларини енгиб, ҳал қилувчи баҳсга қадар етиб келган Қарши давлат университетининг «Лочин» ҳамда Қарши туманининг «Бешкент» жамоалари ўзаро куч синашди.
Шиддатли ва кескин курашлар остида ўтган учрашувда Қарши давлат университетининг «Лочин» жамоаси 4-2 ҳисобида рақибини мағлубиятга учратиб, «Вилоят кубоги-2024» мусобақаси ғолибига айланди.
– «Лочин» жамоаси ташкил этилганига кўп вақт бўлмади. Аммо қўлга киритган ютуқлари кўпчиликнинг ҳавасини келтиради, – дейди университет ректори Дилмурод Набиев. – Ушбу муваффақият бизни янада олға интилишга ундайди. Жамоамизнинг келажагига ишонамиз ва қўллаб-қувватлашда давом этамиз. Футболга мухлисликнинг маъноси ҳам шунда.
Маълумот учун, «Лочин» футбол жамоаси 2022-2023 йилларда ҳам вилоят кубогини қўлга киритганди.
Тавсия этамиз
Кўп ўқилганлар
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг