Кофеинли қаҳва юрак-қон томир тизимини соғломлаштиради — олимлар

11:40 17 Февраль 2021 Дунё
1890 0

Колорадо университети ва Aмерика юрак хасталикларини ўрганувчи ассоциацияси олимлари кофеинли қаҳва юрак етишмовчилиги хавфини камайтиришини аниқлашди. Бу ҳақдаги маълумот "Circulation: Heart Failure" журналида нашр этилди.

Тадқиқот сунъий ақл ёрдамида амалга оширилган. Компьютер 21 йил давомида тўпланган 21 мингдан зиёд америкалик ўрта ёшлилар маълумотларини таҳлил қилди. Aниқланишича, кунига камида бир финжон қаҳва ичадиган одамларда юрак етишмовчилигининг ривожланиш хавфи деярли кузатилмаган.

Бир кунда ичиладиган ҳар бир финжон қаҳва ушбу касаллик хавфини 5-12% га камайтиради. Кунига камида 2 финжон қаҳва ичадиган одамларда юрак етишмовчилиги хавфи умуман қаҳва ичмайдиганларга қараганда 30% кам. Қизиғи шундаки, кофеинсиз қаҳва юрак етишмовчилиги хавфига умуман таъсир қилмайди, баъзан эса бу хавфни кўпайтиради.

Тадқиқотлар натижасида, кофеинли қаҳва юрак етишмовчилиги касалликлари учун фойдали эканлиги, шу билан бирга, касаллик хавфини камайтириши ҳам аниқланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер