Истанбулда кетма-кет зилзилалар юз берди
Иллюстратив фото
Истанбул ҳудудида бир қатор зилзилалар содир бўлди. Улардан иккинчисини магнитудаси 6,2 баллни ташкил этди. Бу маҳаллий вақт билан 12:49 да қайд этилган. Бу ҳақда Туркиянинг табиий офатлар ва фавқулодда вазиятлар бошқармаси хабар тарқатди.
Ер силкинишларининг биринчиси, 3,9 магнитудали зилзила маҳаллий вақт билан соат 12:13 да содир бўлган. Иккаласи ҳам Мармара денгизида, Истанбул марказидан ғарбда, тахминан 50 км узоқликда жойлашган Силиври шаҳри яқинида юз берган.
Истанбул чеккасидаги Буюкчекмеже ҳудудида соат 12:51 ва 13:02 да 4,4 ва 4,9 магнитудали яна иккита зилзила қайд этилган.
«Туркиянинг табиий офатлар ва фавқулодда вазиятлар бошқармаси ва тегишли муассасаларнинг барча гуруҳлари қўшни вилоятларда ҳам сезилган Истанбулдаги зилзила билан боғлиқ ҳолатни текширишни бошлади», деб ёзган Туркия ички ишлар вазири Али Ерликая «Х» ижтимоий тармоғида.
Ер силкинишлари тахминан 7 км чуқурликда содир бўлган, деб хабар бермоқда «Анадолу» ахборот агентлиги.
Хабар тўлдирилмоқда
Тавсия этамиз
Кўп ўқилганлар
- Миллий сертификат имтиҳони натижалари 21 иш куни ичида эълон қилинади — Билимни баҳолаш агентлиги
- Яна бир бозор аукционга қўйилди
- Ички ишлар вазири Бухоро вилояти ИИБнинг 10 га яқин раҳбарини ишдан бўшатди
- Ўзбекистон паспорти халқаро индексда паст натижа қайд этди
- Янги ҳафта аввалида қандай об-ҳаво кузатилиши маълум қилинди
- “Қутадғу билиг” достони қўлёзмасининг факсимиле нусхаси яратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг