Исроил ҳарбийлари Ливан жанубидаги 73 та қишлоқ аҳолисини уйларига қайтмаслик ҳақида огоҳлантирди. Ливанликлар агар уйига қайтадиган бўлса, уларга ўлим билан таҳдид қилинган. Исроил армияси вакили ливанликлар учун «қизил чизиқ» бўлган қишлоқлар харитасини жойлаштирган Х ижтимоий тармоғига.

Ғазонинг марказий ҳудудида эса вазият анча мураккаблигича қолмоқда. Исроилликларнинг Нусейрат қочқинлар лагерига ҳужумлари содир бўлди, у ерда турар-жой биноси вайрон бўлганидан кейин беш нафар тинч аҳоли ҳалок бўлди. Шужаеада ҳужум оқибатида 10 нафар тинч аҳоли қурбон бўлган ва уларнинг аксарияти бир оиладанлиги маълум.

Эрон Ғазодаги геноцидни тўхтатишга, Исроил раҳбарларини жазолашга чақирмоқда. Эрон Ташқи ишлар вазирлиги Ғазо секторида, жумладан Нусейрат қочқинлар лагерида кўчирилган фаластинликлар турадиган бошпана ва чодирларга такрор йўлланган «ваҳшиёна» ҳужумларни қоралади.

Якшанба куни Исроил Ғазодаги уруш туфайли муносабатлар ёмонлашгани сабабли Ирландия Республикасидаги элчихонасини ёпишини маълум қилди. «Мен Ирландия Исроилга қарши эканлиги ҳақидаги даъвони бутунлай рад этаман. Ирландия тинчлик, инсон ҳуқуқлари ва халқаро ҳуқуқ тарафдори», — деган Ирландия расмийси.