Илон Маскнинг xAI компанияси Apple ва OpenAIʼни судга берди
Фото: Reuters/Nathan Howard
Миллиардер Илон Маскка тегишли сунъий интеллект стартапи xAI АҚШнинг Техас штати федерал судига Apple ва ChatGPTʼни яратган OpenAI компанияларига қарши даъво аризаси киритди. Бу ҳақда Forbes хабар берди.
Маск компанияси уларни сунъий интеллект соҳасида рақобатга тўсқинлик қилиш мақсадида ноқонуний тил бириктиришда айбламоқда.
Иш материалларида айтилишича, Apple ва OpenAI бозорларни эгаллаб, «ўз монополиясини сақлаб қолиш ва xAI каби янги компанияларга рақобат имкониятини бермасликка» ҳаракат қилган.
Ҳужжатга кўра, Apple OpenAI билан тузган ҳамкорлик доирасида ChatGPTʼни iPhone, iPad ва Mac операцион тизимларига интеграция қилган.
«Агар OpenAI билан эксклюзив келишув бўлмаганида, Appleʼнинг X ва Grok иловаларини App Storeʼда пастроқ ўринга қўйишига ҳеч қандай сабаб йўқ эди», — дейилади даъво аризасида.
xAI компанияси миллиардлаб доллар миқдорида зарарни қоплаб беришни талаб қилмоқда.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг