Ҳусанов «Наполи»га қарши ўйинда 99 фоиз аниқ узатма амалга оширди
Кеча, 18 сентябрь УЕФА Чемпионлар лигаси мусобақасининг 1-тур ўйинлари якунга етди. Сўнгги баҳсларнинг бирида «Манчестер Сити» жамоаси ўз майдонида «Наполи» клубини 2:0 ҳисоби билан мағлуб этди.
Ушбу учрашувда тўлиқ ҳаракат қилган ўзбекистонлик футболчи Абдуқодир Ҳусанов ўйин давомида жами 79 та узатма амалга оширди. Ушбу узатмаларнинг 78 таси ўз манзилига аниқ етиб борди.
«Sofascore» портали статистикасига кўра, Ҳусанов аниқ пасларнинг сони бўйича 1-турдан сўнг, лигада ўйнаётган барча футболчилар орасида 11-ўринда турибди.
Шунингдек, аниқ тўп узатмаларининг фоиз кўрсаткичи бўйича Ҳусанов кечаги баҳсда 99 фоизлик натижага эришган. Бу эса дастлабки турдаги энг яхши ҳисобланади.
Бу масалада унга аниқ узатмалар бўйича ТОП-50 да турган футболчилардан фақатгина «Барселона» ярим ҳимоячиси Френки де Йонг бас кела олди. Каталония клуби аъзоси ҳам кечаги ўйинда аниқ паслар бўйича 99 фоизлик кўрсаткичга эга бўлган.
Тавсия этамиз
Кўп ўқилганлар
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
- Трамп Корея яриморолидаги можарога якун ясашга ваъда берди
- АҚШ Россияга босим ўтказишнинг муқобил усулларини ўрганмоқда
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг