Архив фото

Ҳиндистон бош вазири Нарендра Модининг АҚШга ташрифи ва унинг АҚШ президенти Дональд Трамп билан музокаралари якунлари бўйича эълон қилинган қўшма баёнотга кўра, Нью-Деҳли ва Вашингтон Ҳиндистонда Америка ядро реакторларини қуриш ва потенциал технологияларни узатиш бўйича ҳамкорлик қилишга келишиб олган.

«Давлат раҳбарлари кенг кўламли маҳаллийлаштириш ва мумкин бўлган технологиялар трансфери орқали Ҳиндистонда АҚШ томонидан лойиҳалаштирилган ядро реакторларини қуриш бўйича биргаликда ишлаш режаларини илгари суриш орқали фуқаролик ядровий келишувини тўлиқ амалга ошириш мажбуриятини эълон қилди», — дейилади баёнотда.

Қайд этилишича, иккала томон ҳам Ҳиндистон ҳукуматининг атом энергияси тўғрисидаги қонунга ва ядровий реакторлар учун етказилган зарар учун фуқаролик жавобгарлиги тўғрисидаги қонунга ўзгартириш киритиш тўғрисидаги яқинда эълон қилинган эълонини олқишлаган ва фуқаролик жавобгарлиги масаласини кўриб чиқадиган ҳамда ядровий реакторларни ишлаб чиқариш ва жойлаштиришда Ҳиндистон ва АҚШ саноатлари ўртасидаги ҳамкорликни осонлаштирадиган икки томонлама шартномалар тузишга келишиб олган.

Баёнотда айтилишича, бу йўл АҚШ томонидан лойиҳалаштирилган йирик реакторларни қуриш режаларини очиб беради ва илғор кичик модулли реакторлар ёрдамида ядро энергетикасини ишлаб чиқиш, жойлаштириш ва кенгайтириш бўйича ҳамкорликни таъминлайди.