Фото: AP

Христиан-демократик иттифоқдан Бундестаг депутати Родерих Кизеветтер ҳукуматдан қолган россиялик дипломатларни Германиядан чиқариб юборишни ва Берлиндаги Руслар уйини ёпишни талаб қилди. Бу ҳақда «Handelsblatt» газетаси депутатнинг сўзларига асосланиб хабар тарқатди.

«Қолган агент ва дипломатларни чиқариб юборишимиз керак. Паст даражадаги агентлар деб аталмиш шахсларни ёллашга қарши чоралар кўриш керак. Бундан ташқари, Берлиндаги Руслар уйи ва бошқа муассасалар ёпилиши керак», — дейди Бундестагдаги махсус хизматлар бўйича парламент қўмитаси раиси ўринбосари Кизеветтер. У «Киберҳужумлар ва гибрид ҳужумлар кучайиб бораётган бир пайтда нима қилиш керак?», деган саволга шундай жавоб берган.

Шунингдек, Кизеветтер россиялик сайёҳлар учун визани тақиқлашни, бир қатор ахборот манбаларини ёпиш ва дезинформациялар тарқатилаётгани айтилаётган ижтимоий тармоқлардаги саҳифаларни блоклашни таклиф қилди.

2023 йилда Германия ўнлаб рус дипломатларини мамлакатдан чиқариб юборганди. Шундан сўнг Россия дипломатик ваколатхоналарнинг немис ходимларини симметрик равишда чиқариб юбориш билан жавоб берди. Натижада Германия Екатеринбург, Калининград ва Новосибирскдаги, Россия эса Гамбург, Лейпсиг, Мюнхен ва Франкфурт-Майндаги бош консулликларини ёпди.