Фото: AҒP

Исроил кучларининг Рафаҳдаги сўнгги ҳужумлари ортидан бутун дунё бўйлаб норозилик намойишлари қайтадан авж олдирди.

Жумладан, Буюк Британиянинг Лондон шаҳрида полициячилар 40 нафар намойиш чиққан фуқарони ҳибсга олган. Улар жамоат тартибини бузиш, йўлларни тўсиб қўйиш ва фавқулодда вазиятлар ходимларига ҳужум қилишда айбланган.

Ҳуқуқ-тартибот идоралари намойишларга рухсат берган аммо 10 мингдан ортиқ иштирок этган намойишчилар белгиланган вақтдан кейин ҳам акцияни давом эттирган. Фаластин қўллаб-қувватловчилари «Ғазодан қўлингни ол!» ёзувлари билан ўз норозиликларини билдирган.

Шунингдек, «AFP» ахборот агентлигининг хабар беришича, Исроил босқинига қарши намойишчилар Мексика пойтахтидаги Исроил элчихонаси олдида тўпланишган ва полиция билан тўқнашган. Хабарга кўра, куч ишлатар тизими намойишчиларни тарқатиш учун кўздан ёш оқизувчи газ ишлатган. Элчихона олдидаги норозиликларда 200 киши қатнашган.

Халқаро суд Мексика Жанубий Африка Республикасининг Исроилга қарши геноцид ишига аралашиш учун халқаро трибуналга ариза топширганини билдирди. Колумбия, Никарагуа ва Ливия ҳам Жанубий Африка Республикасининг Исроилга қарши ишини қўллаб-қувватлаш учун Халқаро судга аралашишни сўради. Шунингдек, Бельгия, Миср, Ирландия, Мальдив ороллари ва Туркия ҳам бу ишга қўшилиш ниятини билдирган.

Туркия президенти Режеп Таййип Эрдоған Ғазодаги урушга нисбатан жимлик сақлагани учун Ғарб етакчиларини Исроилнинг «варварлиги»га шерикликда айблаб, АҚШнинг қўллари «қонга бўялган» деб таъкидлади.

«Агар БМТ XXI асрда геноцидни тўхтата олмаса, бу ташкилотдан нима фойда? Ғазода Бирлашган Миллатлар Ташкилотининг руҳи ўлган», — деди Эрдоған.

Фаластин тарафдорлари Ғазодаги урушга қарши кампания ўтказиш учун Италиянинг Болонья шаҳридаги темир йўл вокзалини эгаллаб олган. Исроил урушига қаршилар Фаластин байроқларини ҳилпиратаётганини кўриш мумкин.

АҚШнинг Калифорния штатидаги бир қанча университетларда ишловчи талаба ўқитувчилар, тадқиқотчилар ва лаборантлар иш ташлашмоқда. Уларнинг айтишича, меҳнат шартномалари маъмурият томонидан бузилган. Шунингдек, ой бошида кампусларда бошланган талабаларнинг намойиши полициячилар томонидан бостирилганини айтган.

Ўман Султонлиги Ташқи ишлар вазирлиги ҳам Исроилнинг Рафаҳга сўнгги ҳужумларини қоралади. Вазирлик Фаластин халқига қарши давомли уруш жиноятлари ва геноцидни тўхтатиш учун зудлик билан чора кўришга чақирди.