Фарғонада «Nexia-3»ни юк поезди уриб кетди
Фото: Ўзбекистон темир йўллари
Фарғона вилояти Марғилон шаҳрида темирйўлни кесиб ўтаётган «Nexia-3» ни юк поезди уриб юборди. Ҳодиса юзасидан «Ўзбекистон темир йўллари» АЖ маълумот берди.
Қайд этилишича, жорий йилнинг 19 февраль куни соат 22:30 ларда Охунбобоев ва Марғилон бекатлари оралиғида «Nexia-3» русумли автомобиль ҳаракатланиб келаётган поезд тагида қолган. Дастлабки маълумотларга кўра, ҳайдовчи йўл ҳаракати қоидаларини бузиб, поездни «илон изи» усулида айланиб ўтишга уринган.
Ҳодиса оқибатида 38 ёшли ҳайдовчи А.Й. бош ва қўл қисмидан енгил жароҳат олган ва Марғилон шаҳар Тез тиббий ёрдам марказига юборилган. Автомобиль техник шикастланган.
Ҳодиса содир бўлган жойга транспортда хавфсизликни таъминлаш хизмати ходимлари ва темир йўл мутахассислари дарҳол етиб борган ва воқеа тафсилотларини кўздан кечирган.
Айни пайтда Фарғона вилояти транспортда хавфсизликни таъминлаш бошқармаси ТБ томонидан терговга қадар текширув олиб борилмоқда.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
- Яна бир бозор аукционга қўйилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг