Фарғонада 37 кгдан зиёд гиёҳванд модда сақлаётган шахс ушланди
Фото: Фарғона вилоят ИИБ
Фарғона вилояти Марғилон шаҳрида 37 кгдан зиёд гиёҳванд модда сақлаётган шахс ушланди. Бу ҳақда вилоят ИИБ ахборот хизмати хабар берди.
Маълум қилинишича, жорий йилнинг 29 июнь куни вилоят ИИБ ҳамда Марғилон шаҳар ИИБ тезкор ходимлари томонидан «Қорадори-2024» тадбири ўтказилган. Тадбир давомида 1971 йилда туғилган Туягум МФЙда яшовчи А.К.нинг яшаш хонадони холислар иштирокида кўздан кечирилган.
Аниқланишича, А.К. хонадонидаги экин майдонида 13 туп марихуана гиёҳванд ўсимлигини парваришлаб келаётган бўлган.
Шунингдек, А.К. 10 дона 3 литрли идишда 12 кг 537 гр кўкнори бошоқлари, 2 дона 3 литрли идишда 2 кг 570 гр марихуана моддаси, 1 та полиэтилен пакетда эса 41 гр гашиш гиёҳвандлик моддаси ҳамда оқ рангли полиэтилен қопда 22 кг 550 гр кўкнори сомонини сақлаб келаётганлиги аниқланиб тегишли тартибда ҳужжатлар расмийлаштирилган.
Манбага кўра, жами олинган гиёҳванд моддалар миқдори 37 килограммдан зиёдни ташкил қилган.
«Ҳозирда мазкур ҳолат юзасидан терговга қадар текширув ҳаракатлари олиб борилмоқда», дейилади хабарда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- АҚШ Россияга босим ўтказишнинг муқобил усулларини ўрганмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг