Фарғонада 1,8 миллиард сўмлик табиий газ ўғирланди (+видео)
Фарғона вилоятида 1,8 миллиард сўмлик табиий газ ноқонуний истеъмоли фош этилди. Бу ҳақида «Ҳудудгазтаъминот» АЖ хабар берди.
Унда айтилишича, Қува тумани «Тахтакўприк» МФЙда жойлашган умумий овқатланиш маскани газ таъминоти корхонаси билан тегишли шартнома тузмасдан табиий газдан ноқонуний фойдаланиб келгани фош қилинган.
Шундан сўнг ҳолат юзасидан далолатнома тузилиб, қайта ҳисоб-китоб амалга оширилган ва 1 миллиард 144 миллион сўм миқдорида зарар ҳисобланган.
Шу каби яна бир қонунбузилиш ҳолати Фарғона туманида ҳам қайд этилган.
Унга кўра, «Тинчлик» МФЙдаги новвойхона эгаси табиий газдан лойиҳа-техник ҳужжатлари расмийлаштирмасдан тармоққа уланган ҳолда фойдаланаётгани аниқланган. Мазкур ҳолат бўйича 733 миллион 428 минг сўмлик зарар қайта ҳисоб-китоб қилинган.
Ҳозирда мазкур ҳолатлар бўйича барча ҳужжатлар ҳуқуқ-тартибот органларига юборилган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг