Фото: AP

Европа Иттифоқининг тўртта мамлакати — Франция, Бельгия, Испания ва Португалияда электр энергиясининг кенг кўламли узилишлар кузатилди.

“Cadena SER” маълумотларига кўра, шу фонда Испания бўйлаб поездлар, жумладан, метро қатнови тўхтаган, светофорлар ва баъзи аэропортлар ишламай қолган. Номаълум сабабга кўра, мамлакатда электр энергияси истеъмоли 25 184 мегаваттдан 12 425 мегаваттга тушиб кетди.

Таъкидланишича, Францияда электр таъминотидаги узилишлар бутун мамлакатга эмас, фақат Бургундияга таъсир қилди.

Бунгача бир қатор Европа мамлакатларида Германия, Нидерландия ва Бельгияда электр энергияси нархи тушиб кетгани айтилганди.

Ўз навбатида, Испания ҳукумати мамлакатда электр таъминотидаги катта узилишларга муносабат билдирди

Таъкидланишича, ҳукумат бутун мамлакат бўйлаб кузатилган электр таъминотидаги узилишлар фонида миллий электр тармоқлари оператори “Red Electrica” штаб-квартирасида инқироз қўмитасини тузган.

Қўмита йиғилишида бош вазир Педро Санчес ва Испания бош вазири ўринбосари Мария Хесус Монтеро иштирок этган.

Испания аэропорти оператори “Aena” маълумотларига кўра, мамлакат аэропортларида электр таъминотидаги узилишлар туфайли захира генераторлар ишга туширилган.