Foto: AP

Yevropa Ittifoqining toʻrtta mamlakati — Fransiya, Belgiya, Ispaniya va Portugaliyada elektr energiyasining keng koʻlamli uzilishlar kuzatildi.

“Cadena SER” maʼlumotlariga koʻra, shu fonda Ispaniya boʻylab poyezdlar, jumladan, metro qatnovi toʻxtagan, svetoforlar va baʼzi aeroportlar ishlamay qolgan. Nomaʼlum sababga koʻra, mamlakatda elektr energiyasi isteʼmoli 25 184 megavattdan 12 425 megavattga tushib ketdi.

Taʼkidlanishicha, Fransiyada elektr taʼminotidagi uzilishlar butun mamlakatga emas, faqat Burgundiyaga taʼsir qildi.

Bungacha bir qator Yevropa mamlakatlarida Germaniya, Niderlandiya va Belgiyada elektr energiyasi narxi tushib ketgani aytilgandi.

Oʻz navbatida, Ispaniya hukumati mamlakatda elektr taʼminotidagi katta uzilishlarga munosabat bildirdi

Taʼkidlanishicha, hukumat butun mamlakat boʻylab kuzatilgan elektr taʼminotidagi uzilishlar fonida milliy elektr tarmoqlari operatori “Red Electrica” shtab-kvartirasida inqiroz qoʻmitasini tuzgan.

Qoʻmita yigʻilishida bosh vazir Pedro Sanches va Ispaniya bosh vaziri oʻrinbosari Mariya Xesus Montero ishtirok etgan.

Ispaniya aeroporti operatori “Aena” maʼlumotlariga koʻra, mamlakat aeroportlarida elektr taʼminotidagi uzilishlar tufayli zaxira generatorlar ishga tushirilgan.