Дуров Россияда Telegram чекланишига изоҳ берди
Telegram асосчиси Павел Дуров фуқаролар эркинлигини чеклаш ҳеч қачон тўғри қарор эмаслигини маълум қилди. У шу тариқа Россияда мессенжер фаолиятига қўйилган чекловларга муносабат билдирди.
«Россия ўз фуқароларини кузатув ва сиёсий цензура учун яратилган давлат назоратидаги иловадан фойдаланишга мажбурлаш мақсадида Telegramʼга киришни чекламоқда», — деб ёзди Дуров.
Павел Дуровнинг айтишича, саккиз йил аввал Эрон ҳам худди шундай стратегияни синаб кўрган.
«Саккиз йил олдин Эрон ҳам шундай йўл тутди — ва муваффақиятсизликка учради. У асоссиз баҳоналар билан Telegramʼни тақиқлаб, одамларни давлат иловасига ўтишга мажбур қилмоқчи бўлди. Бироқ тақиққа қарамай, эронликларнинг кўпчилиги ҳамон Telegramʼдан фойдаланмоқда (цензурани айланиб ўтиб) ва кузатувга мойил иловалар ўрнига уни афзал кўрмоқда», — деди у.
Дуров таъкидлашича, фуқаролар эркинлигини чеклаш ҳеч қачон тўғри ечим эмас. У Telegram ҳар қандай босим шароитида ҳам сўз эркинлиги ва махфийлик тамойилларини ҳимоя қилишини қайд этди.
Тавсия этамиз
Кўп ўқилганлар
- АҚШ Адлия вазирлиги Эпштейн иши бўйича 3 миллионта файлни эълон қилди
- Трамп Кубадан келаётган таҳдид сабаб АҚШда фавқулодда ҳолат эълон қилди
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
- Буюк шоирнинг Самарқанддаги табаррук излари
- Уруш, жасорат ва спорт: ҳафта давомида дунё эътиборини тортган 10 та сурат
- «Humans» Ўзбекистондан юзлаб миллион доллар зарарни қоплашни талаб қилмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг