Дональд Трамп: АҚШ ва Европа Гренландия бўйича музокара олиб бормоқда

15:55 14 Февраль 2026 Дунё
271 0

ТАСС хабар беришича, АҚШ маъмурияти ва Европа давлатлари ҳукуматлари Гренландия масаласи юзасидан музокаралар олиб бормоқда. Бу ҳақда Дональд Трамп журналистлар саволларига жавоб берар экан маълум қилган.

У Оқ уйнинг Жанубий майдонида сўзлаган нутқида шундай деди:

«Биз Европа билан жуда яхши муносабатдамиз, натижа қандай бўлишини кўрамиз. Ҳозир айнан Гренландия бўйича музокаралар олиб боряпмиз».

Аввалроқ АҚШ маъмурияти Гренландиянинг келгусидаги мақоми масаласида музокаралар бошланганини маълум қилган ва бу борада АҚШ ҳамда Европа учун манфаатли келишувга эришишга умид билдирган эди.

Бундан олдин Дональд Трамп Гренландияни АҚШга қўшиш зарурлиги ҳақида бир неча бор фикр билдирган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?