Чироқчида бир кунда иккита мактабнинг янги биноси фойдаланишга топширилди
Чироқчи туманининг Паканди маҳалласида жойлашган 6-сонли ҳамда Амир Темур маҳалласида жойлашган 88-сонли умумий ўрта таълим мактабларида ўқувчилар сони мавжуд қувватга нисбатан сезиларли равишда ошиб кетган, бу эса бир қатор муаммоларга сабаб бўлаётган эди.
Ўтган йили тегишли инвестиция дастури асосида 10 миллиард сўмдан ошиқ маблағ ажратилиб, ҳар иккала мактабда қурилиш-таъмирлаш ишлари бошланган эди. Қисқа вақт ичида 6-умумий ўрта таълим мактабининг 330-ўринли ҳамда 88-умумий ўрта таълим мактабининг 420-ўринли ўқув бинолари қуриб битказилди. Ҳар иккала бинода ўқувчиларнинг сифатли таълим ва тарбия олиши, ўқитувчиларнинг эса иш фаолиятини олиб бориши учун зарур бўлган барча шарт-шароитлар яратилган.
Янги ўқув биноларининг фойдаланишга топширилиши муносабати билан ташкил этилган тантанали тадбирда туман ҳокимлиги масъуллари, таълим муассасалари жамоалари, маҳалла фаоллари ҳамда кенг жамоатчилик вакиллари иштирок этди.
Жаҳонгир БОЙМУРОДОВ, “Халқ сўзи”.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- 16 январь куни баъзи жойларда қор ёғади
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
- Кўрфаз араб давлатлари бозорига божсиз кириш имкони яратилади
- Рақамли Ўзбeкистон учун кибeр-ҳуқуқшунослар: Прeзидeнт Фармони юридик таълимнинг янги даврини очади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг