Чет эллик шахс ўзбекистонлик фуқарони чув туширмоқчи бўлди. Унинг ёнидан 8 минг 400 АҚШ доллар сохта пул ҳам аниқланган

Фото: Бош прокуратура ҳузуридаги Департамент
Бош прокуратура ҳузуридаги Департаментнинг Учтепа туман бўлими ДХХ ва ИИБ ходимлари ёрдамида хорижий давлатга виза олиб беришни ваъда қилган шахснинг чет эл фуқароси эканлиги ва мазкур айбланувчининг ёнидан қалбаки 8 минг 400 АҚШ доллари чиққанини маълум қилди.
Департаментнинг матбуот хизмати маълум қилишича, «Л.» номли «Hostel» олдида ўтказилган тезкор тадбирда хорижий давлат фуқароси М.С. фирибгарлик устида қўлга олинган. У қинғир йўллар билан ўзганинг мулкини қўлга киритиш мақсадида фуқаро З.А.ни Англия давлатига бориши учун 850 АҚШ долларига виза олиб беришини айтган. Шундан сўнг, 350 АҚШ долларини олган вақтида ашёвий далиллар билан ушланган.
Бундан ташқари, М.С.нинг ёнидан сақлаб келинган 84 дона 100 АҚШ долларлик купюрадаги қалбаки 8 минг 400 АҚШ доллари топилиб, ҳужжатлаштирилган.
«Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда», дейилади хабарда.
Аввалроқ, ота-бола «қора бозор»да умумий 900 миллионга баҳоланган психофаол дориларни сотмоқчи бўлганди.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг