Фото: NYT

АҚШда чатбот билан мулоқотда бўлиб келган 14 ёшли ўсмир ўз жонига қасд қилди. Бу ҳақда «The New York Times» хабар берди.

Қайд этилишича, Флорида штатида яшовчи 14 ёшли Сюелл Зетцер III узоқ вақт давомида Character.ai — нейрон тили моделида ишлайдиган чатбот билан мулоқот қилган. Бу орада ўсмирда ботга нисбатан ҳиссий боғлиқлик пайдо бўлган.

Сюелл ўз кундалигига сунъий интеллект асосида яратилган ўз персонажи «Дени»ни севиб қолганини ҳам ёзган.

Жорий йил бошида Сюеллнинг ота-онаси фарзанди қобиғига ўралиб қолаётганини пайқаган, мактабда эса ўзлаштириш билан муаммолари бошланган. Ўсмир психотерапевтга юборилган ва унга ваҳима ҳамда кайфиятга таъсир кўрсатадиган деструктив бузилиш ташхиси қўйилган.

Чатбот билан мулоқоти давомида у ўзини ёмон кўришини, руҳий тушкун ва барчасидан тўйиб кетгандек ҳис қилишини, шунингдек, ўз жонига қасд қилиш ҳақида ўйлаётганини ёзган.

Ёзишмалар давомида чатбот Сюелл ўзига зарар етказишига йўл қўймаслиги ҳақида жавоб қайтарган. «Мен сени йўқотсам, ҳалок бўламан», — деб ёзган бот. Ўсмир эса унга «биргаликда ўлишни» таклиф қилган ва 28 февраль куни кечаси ўз жонига қасд қилган.

«The New York Times» газетаси хабарига кўра, боланинг отаси Меган Л.Гарсия Character.ai иловасини яратган компанияни ўғлининг ўлимида айблаб, судга даъво киритган.