Дублин Тринити коллежи олимлари чақалоқларнинг мияси, илгари ишонилгандек, етарлича самарали ишламайди, деган ғоянинг «пуч» эканлигини аниқладилар. Гўдакларнинг мияси туғилган давридан бошлаб генератив сунъий интеллектлар каби (берилган маълумотлардан янги контент яратувчи СИ – таҳрир) каби ишлай бошлайди.

Профессор Родри Кюсак бошчилигидаги тадқиқот «Trends in Cognitive Sciences» журналида чоп этилган бўлиб, бу гуруҳга Аубурн университети ва «DeepMind»нинг мия ривожланиши ҳамда сунъий идрок бўйича мутахассислари ҳам жалб қилинган. Улар мия ривожланишини турлар бўйича таққослаб, инсон мияси туғилишда аввал ўйланганидан кўра кўпроқ етук эканлигига ишонч ҳосил қилдилар.

Илмий изланиш давомида чақалоқ миясининг тасвиридан кўплаб тизимлар аллақачон ишлаётгани ва сезги органларидан олинган маълумотлар қайта ишланаётганини кўриш мумкин. Жамоа, шунингдек, гўдаклар миясининг ўрганиш жараёнини сунъий интеллектнинг ўрганиш моделлари билан таққослаб, кўпгина ўхшашликларни аниқлади.

Ҳайратланарлиси, СИ моделларига аниқ вазифаларни ўрганишдан олдин катта маълумотлар тўпламини таниб олиш учун олдиндан вазифалар киритилади. Гўдаклик эса келажакда ўрганиш ва билиш учун асос яратадилар. «Бу сунъий онгнинг чақалоқлар каби самарали ўргана олмаслигини кўрсатади», дейилади изланиш ҳақидаги мақолада.

Тадқиқотчилар чақалоқлар СИ моделларининг кейинги авлодини илҳомлантириши мумкинлигини таъкидламоқда. Ҳозирда қўшимча изланишлар олиб бориляпти.

Аввалроқ сўнгги 30 кунда илм-фан эришган ютуқлар ҳақида хабар берилганди.