Бухорода кучли шамол натижасида 2 та юқори кучланишли электр узатиш тармоғида юзага келган носозлик тўлиқ бартараф этилди

16:00 21 Февраль 2024 Иқтисодиёт
120 0

17 февраль куни Бухоро вилоятида юз берган кучли шамол оқибатида жиддий шикастланган 110 кВ кучланишдаги “L-Gazli-1” ва “L-Gazli-2” электр узатиш тармоқлари тўлиқ таъмирланиб, қайта ишга туширилди.

Қарийб тўрт кун давомида ноқулай об-ҳаво шароитларида мураккаб кечган таъмирлаш-тиклаш ишларида “Ҳудудий электр тармоқлари” АЖ ҳамда “Ўзбекистон миллий электр тармоқлари” АЖнинг 9 та махсус бригада таркибидаги 83 нафар ходими 12 та машина ва техника механизмлари билан фаоллик кўрсатишди. Иш 24 соатлик режим асосида йўлга қўйилди.

Эслатиб ўтамиз, мазкур тармоқдан электр энергияси олувчи аҳоли истеъмолчилари ҳозирги вақтгача захирадаги “Учқур – Газли” тармоғи орқали электр энергияси билан таъминланаётган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?