Болгария Президенти Румен Радев «Янги Ўзбекистон» боғига ташриф буюрди — Фоторепортаж
Фото: Хасан Пайдоев / «Халқ сўзи»
Ўзбекистон Республикаси Президенти Шавкат Мирзиёевнинг таклифига биноан расмий ташриф билан мамлакатимизда бўлиб турган Болгария Республикаси Президенти Румен Радев ташрифининг дастлабки куни «Янги Ўзбекистон» боғига борди.
Унга Ўзбекистон Республикаси Бош вазири Абдулла Арипов ҳамроҳлик қилди. Болгария етакчиси боғ марказида жойлашган Мустақиллик монументи пойига гул қўйиб, мамлакатимизга ҳурмат ва эътиборини изҳор этди.
Ташриф давомида Румен Радев мазкур боғнинг тарихий ва маънавий аҳамияти ҳақида маълумотлар олди. Унга монументда акс этган буюк алломалар, қаҳрамон саркарда ва жаҳонгирлар, жадид боболаримиз ҳақида батафсил сўзлаб берилди.
Шунингдек, делегация аъзолари «Янги Ўзбекистон» мажмуасининг ғоявий ва меъморий ечимлари билан танишиб, боғдаги ноёб дарахт ва гул-чечаклар, амфитеатр ва фавворалар уйғунлигига юксак баҳо берди.
Фото: Хасан Пайдоев / «Халқ сўзи»
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- «Олтин куз» II Халқаро камер ва симфоник мусиқа фестивали бўлиб ўтади
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг