Бокс бўйича Ўзбекистон аёллар терма жамоаси жаҳон чемпионатини иккита бронза медали билан якунлади

11:45 19 Май 2022 Спорт
758 0

Фото: Миллий олимпия қўмитаси

Туркиянинг Истанбул шаҳри мезбонлик қилаётган бокс бўйича аёллар ўртасидаги жаҳон чемпионатида терма жамоамиз ўз иштирокини тугатди. Қувонарлиси, мусобақа аёллар боксида дунё биринчиликларида қўлга киритилган илк медаллар сифатида ўзбек спорти тарихида қолди.

+81 кг вазн тоифасида қатнашган Моҳира Абдуллаева ярим финал жангининг 1-раундида жароҳат олиб, беллашувни давом эттира олмади. Шу боис ҳакамлар унинг рақиби марокашлик Хайжа Мардининг ғалабасини эътироф этдилар ва юртдошимиз бронза медали билан тақдирланадиган бўлди. Эслатиб ўтамиз, бугунги беллашувлар давомида Азиза Ёқубова ҳам -50 кг вазн тоифасида учинчи ўринни қўлга киритган эди.

Шу тариқа, мазкур дунё биринчилиги терма жамоамиз учун 2 та бронза медали билан якунланди. Қайд этиш жоиз, бу мусобақа аёллар боксида жаҳон чемпионатларидаги илк медаллар сифатида тарихда қолади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер