Иордания пойтахти Амман шаҳрида бокс бўйча Осиё чемпионати бўлиб ўтди.

Нуфузли мусобақа якунида Ўзбекистон терма жамоаси аъзолари 6 та олтин, 3 та кумуш ва 4 та бронза медалларини қўлга киритишди.
Хусусан, Ҳасанбой Дўсматов (-51 кг), Абдумалик Халаков (57 кг), Руслан Абдуллаев (63,5 кг), Саиджамшид Жафаров (75 кг) ва Лазизбек Мулложонов (+92 кг), олтин медалларни қўлга киритишди.
Вакилларимиздан Одилжон Аслонов (-80 кг) ва Мадияр Саидраҳимов (-92 кг) финалда рақибларига имкониятни бой бериб қўйди.
Шаҳзод Музаффаров (-54 кг), Адҳамжон Муҳиддинов (-60 кг) ва Асадхўжа Мўйдинхўжаев (-67 кг) Осиё чемпионатининг бронза медаллари билан тақдирланди.

Хотин-қизлар ўртасида эса Навбаҳор Ҳамидова (-66 кг) олтин, Соҳиба Рўзметова (-75 кг) кумуш ва Фарзона Фозилова (-48 кг) бронза медалига сазовор бўлди.

Осиё чемпионати якунларига кўра Ўзбекистон терма жамоаси умумжамоа ҳисобида биринчи ўринни қўлга киритди.