Блогер Мурод Махсудов 7,5 йилга қамалди

00:52 06 Июнь 2024 Жамият
529 0

Фото: Абдураҳмон Ташанов / Facebook

Блогер Мурод Махсудов туҳмат, товламачилик ва ўзлаштириш ёки растрата йўли билан талон-торож қилишда айбланиб, 7,5 йилга ҳукм қилинди, у жазони умумий тартибли колонияда ўтайди. Бу ҳақда “Эзгулик” жамияти раиси Абдураҳмон Ташанов хабар берди.

Тошкент шаҳар судлари матбуот котиби Зокир Қўзибоевнинг “Халқ сўзи”га маълум қилишича, Жиноят ишлари бўйича Яшнобод туман судининг 4 июндаги ҳукмига мувофиқ Мурод Махсудов (1982 йилда Тошкент шаҳрида туғилган,  муқаддам судланмаган) Жиноят кодексининг 168-моддаси (фирибгарлик) 1-қисми ва 2-қисми бўйича Жиноят-процессуал кодексининг 83-моддаси 2-қисми билан айбсиз деб топилиб, реабилитация этилган.

Шунингдек, у Жиноят кодексининг 139-моддаси 3-қисми “а”, “г” бандлари, 165-моддаси 2-қисми “б” банди ва 167-моддаси 2-қисми “б”, “г” бандларида назарда тутилган жиноятларни содир этганликда айбли деб топилиб, унга нисбатан Жиноят кодексининг 59, 61-моддалари тартибида 7 йил 6 ой озодликдан маҳрум қилиш жазоси тайинланган.

“Тайинланган жазони умумий тартибли колонияларда ўтаттирилиш белгиланди”, дейди Зокир Қўзибоев.

Унинг қўшимча қилишича, ҳукмдан норози тарафлар ҳукм эълон қилинган ва судланувчи ҳукм нусхасини олган кундан бошлаб 10 сутка ичида пойтахт судининг жиноят ишлари бўйича судлов ҳайъатига апелляция тартибида, ҳукм қонуний кучга киргандан сўнг эса кассация тартибида шикоят қилишга ва протест билдиришга ҳақли ҳисобланади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер