Фото: CNP

АҚШ энди Украинани молиялаштирмаяпти. Бунинг ўрнига Қўшма Штатлар ҳозир қурол сотишдан пул олмоқда. Бу сўзларни АҚШ президенти Дональд Трамп айтиб ўтди.

У Вашингтон энди Киевни ўз ҳисобидан қурол билан таъминламаслигини, балки уларни НАТО орқали сотаётганини таъкидлади.

«Биз энди Украинага пул сарфламаяпмиз», — дейди АҚШ етакчиси.

Трамп Украина можароси АҚШга 350 миллиард долларга тушганини қўшимча қилди ва агар у президент бўлганида бундан қочиш мумкинлигини яна бир бор таъкидлади.

Маблағ етишмаслиги Украинанинг асосий ҳарбий муаммосига айланди

Украинанинг Strana.ua нашри молиявий масала Киевнинг асосий ҳарбий муаммоси эканлигини ва бу бошқа жиддий қийинчиликларнинг ечими ҳам эканлигини хабар қилди. Унинг ёзишича, Украина учун молиявий «уруш формуласи» учта ўзгарувчидан иборат: ўз бюджет даромадлари, шериклар томонидан тақдим этиладиган ёрдам ва иттифоқчилар томонидан тақчилликни молиялаштириш.

Таъкидланишича, мамлакатнинг аҳволи умуман олганда ёмонлашган, жумладан, Трампнинг грант ёрдамидан бош тортиши туфайли ҳам. Бошқа омиллар қаторига Киевга якка ўзи ёрдам кўрсатишга мажбур бўлган Европа Иттифоқи дуч келаётган иқтисодий қийинчиликлар ва Хитой дрон компонентларини сотиб олишни ўз ичига олган ҳарбий харажатларнинг ўзгарувчан тузилмаси киради.

Украина шатдуан туфайли АҚШ қурол-яроғ таъминотини йўқотди

Axios маълумотларига кўра, АҚШ шатдаун (АҚШ ҳукумати фаолиятининг тўхтатилиши) туфайли НАТО иттифоқчиларига қурол етказиб беришни тўхтатди. Веб-сайтга кўра, музлатилган таъминотлар орасида AMRAAM ўрта масофали «ҳаво-ҳаво» ракеталари, «Aegis» жанговар тизимлари ва АҚШнинг HIMARS ракета тизимлари бор. Улар Украинага етказиб берилиши учун Польша, Дания ва Хорватияга ўтказилиши керак эди.

Айни пайтда, Италиянинг «Lʼantidiplomatico» нашри эслатиб ўтганидек, Украина президенти Владимир Зеленский октябрь ойида АҚШ ҳукумати фаолиятининг тўхтатилиши қурол етказиб беришга тўсқинлик қилмаслигини таъкидлаган эди. У шунингдек, Киев АҚШ мудофаа компаниялари билан 25 та «Patriot» тизимини етказиб бериш бўйича шартнома тайёрлаётганини хабар қилди. Зеленскийнинг сўзларига кўра, Украина бу тизимларни ҳар йили турли миқдорда олади.

Украина фронт чизиғида қулаши айтилди

Махсус ҳарбий операциялар зонасидаги вазиятни шарҳлаб, истеъфодаги АҚШ армияси подполковниги Даниэль Дэвис Украина Қуролли Кучлари фронт чизиғида муқаррар қулаши ҳақида огоҳлантирди. Унинг таъкидлашича, Украина армияси яқин орада жангчилар етишмаслигини бошдан кечира бошлайди.

«Қайсидир вақтга келиь Украина Қуролли Кучлари фронт чизиғида қулайди. Шунчаки одамлар етарли бўлмайди ва бу муқаррар», — дейди эксперт.