«Барселона»нинг собиқ футболчиси Это’О икки йиллик қамоқ жазосига ҳукм қилинди
Фото: Reuters
Испаниянинг «Барселона» Камерун терма жамоасининг собиқ ҳужумчиси Самуэль Это’О 22 ойлик қамоқ жазосига ҳукм қилинди. Бу ҳақда «Diario Sport» хабар бермоқда.
Футболчи солиқ тўлашдан бўйин товлаганини тан олган. Бироқ бу ишда собиқ вакили Хосе Мария Месаллесни айблаган. Шу боис ушбу иш бўйича Месаллесни ҳам бир йиллик шартли қамоқ жазосига ҳукм қилинди. Шунингдек, футболчи ва унинг вакили жами икки миллион евродан ортиқ жарима тўлаши керак бўлади.
Это’О 2006 йилдан 2009 йилгача бўлган даврда 3,8 миллион еврони яширганликда айбланган. Футболчи имидж ҳуқуқини «Барселона» ва «Puma»га топширишдан катта даромад олган, аммо бу ҳақда солиқ декларациясига хабар бермаган.
Это’О «Барселона» ташқари Испаниянинг «Реал Мадрид», Италиянинг «Интернасионале», Англиянинг «Челси», «Эвертон» каби клубларда тўп сурган. 2008 йилнинг бошида у ҳатто Тошкентнинг «Қурувчи» (ҳозирги «Бунёдкор») клубида кўрикдан ўтиб, бир қатор ўртоқлик ўйинларида майдонга ҳам тушган эди. Аммо ўз фаолиятини етакчи миллий чемпионатларда тўп суриш истаги билан Тошкент клуби таклиф қилган 25 миллион долларлик шартномадан ҳам воз кечган эди.
Футболчи 2019 йилнинг сентабрида фаолиятини якунлаганини эълон қилганди.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг