«Барселона» Премьер-лига футболчиси учун 50 миллион евро таклиф қилди
Фото: Reuters
Испаниянинг «Барселона» клуби «Лидс Юнайтед» (Англия) жамоасининг португалиялик ҳужумчиси Рафиньянинг трансфери бўйича ўз таклифини яхшилади. Бу ҳақда «The Sun» нашри хабар бермоқда.
Дастлаб «Барселона» 25 ёшли ҳужумчи учун 34 миллион евро беришга тайёр эди. Энди бу сумма 50 миллион еврога оширилди. Transfermarkt портали Рафиньянинг трансфер қийматини 45 миллион еврога баҳолаган. Ҳужумчининг «Лидс Юнайтед» билан амалдаги шартномаси 2024 йилнинг ёзида якунига етади. У жорий мавсумда Англия чемпионати доирасида 27 ўйинда майдонга тушиб, рақиблар дарвозасига 9 та гол киритган.
Рафинья 2020 йилнинг октябрь ойида «Лидс Юнайтед» ўтган эди. Унгача у Франциянинг «Ренн», Португалиянинг «Спортинг Лиссабон» ва «Витория Гимарайнш» клублари шарафини ҳимоя қилган.
27 март куни Германиянинг «Бавария» клуби ҳужумчиси Роберт Левандовски «Барселона»га ўтишга розилик бергани маълум бўлди. Каталонияликлар польшалик ҳужумчига 4 йиллик шартнома таклиф қилган.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг