“Barselona” Premer-liga futbolchisi uchun 50 million yevro taklif qildi
Foto: Reuters
Ispaniyaning “Barselona” klubi “Lids Yunayted” (Angliya) jamoasining portugaliyalik hujumchisi Rafinyaning transferi boʻyicha oʻz taklifini yaxshiladi. Bu haqda “The Sun” nashri xabar bermoqda.
Dastlab “Barselona” 25 yoshli hujumchi uchun 34 million yevro berishga tayyor edi. Endi bu summa 50 million yevroga oshirildi. Transfermarkt portali Rafinyaning transfer qiymatini 45 million yevroga baholagan. Hujumchining “Lids Yunayted” bilan amaldagi shartnomasi 2024-yilning yozida yakuniga yetadi. U joriy mavsumda Angliya chempionati doirasida 27 oʻyinda maydonga tushib, raqiblar darvozasiga 9 ta gol kiritgan.
Rafinya 2020-yilning oktyabr oyida “Lids Yunayted” oʻtgan edi. Ungacha u Fransiyaning “Renn”, Portugaliyaning “Sporting Lissabon” va “Vitoriya Gimaraynsh” klublari sharafini himoya qilgan.
27-mart kuni Germaniyaning “Bavariya” klubi hujumchisi Robert Levandovski “Barselona”ga oʻtishga rozilik bergani maʼlum boʻldi. Kataloniyaliklar polshalik hujumchiga 4 yillik shartnoma taklif qilgan.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring