АҚШнинг етакчи санъат музейи Савицкий номидаги давлат санъат музейи билан ҳамкорлик қилишга тайёрлигини билдирди

11:40 20 Февраль 2021 Маданият
1142 0

Ўзбекистоннинг АҚШдаги элчиси Жавлон Ваҳобов Циммерли номидаги Америка санъат музейи директори Донна Густафсон билан музокаралар ўтказди.

Учрашув давомида томонлар Нукус шаҳридаги Савицкий номидаги давлат санъат музейи ва Циммерли номидаги музей ўртасида ҳамкорлик алоқаларини ўрнатиш, АҚШ музейи ҳудудида ўзбек коллекцияларининг кўргазмасини ташкил этиш, шунингдек, кўргазмаларни ташкил этиш бўйича кураторлар ва илмий тадқиқотчилар ўртасида тажриба алмашинуви масалаларини муҳокама қилди.

Циммерли номидаги санъат музейи Ратгерск (Нью-Жерси) университети ҳудудида жойлашган. У мамлакатдаги энг йирик ҳамда машҳур музейлардан бири ҳисобланади. Музей коллекциясидаги қадимий ва замонавий санъатга доир 60 минг буюм, хусусан, ХIХ асрга оид француз санъатининг бой тўпламлари, рус ва совет ноконформизм намуналари сақланади. Музей 6,5 минг квадрат метр майдонда жойлашган.

Ратгерск университети жаҳондаги 300 та энг яхши университетлардан бири ҳисобланади. АҚШдаги энг қадимги олий таълим муассасаси ҳисобланган мазкур университетда бугунги кунда турли давлатлардан келган 60 мингга яқин талаба 100 дан ортиқ бакалавриат ва 180 та магистратура дастурларида таълим олмоқда.

Музокаралар чоғида Донна Густафсон Савицкий музейи бадиий оламнинг ноёб муассасаларидан бири эканини, унинг тўпламлари дунёнинг энг яхши коллекциялари билан рақобатлашиши мумкинлигини таъкидлади.

Яқин келажакда Савицкий ва Циммерли музейлари раҳбарлари даражасида келгусида ўзаро манфаатли ҳамкорликнинг амалий жиҳатларини муҳокама қилиш учун музокаралар ўтказиш режалаштирилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер