Осиё молия бозорларида АҚШ ва Хитой ўртасидаги технологик уруш кучайиши фонида аксияларнинг нархлари кескин пасайиб кетди. АҚШ сунъий интеллект, квант ҳисоблаш ва аэрокосмик соҳаларида Хитойга нисбатан чекловларни кучайтираётгани инвесторлар орасида хавотир уйғотмоқда. Бу ҳақда «Reuters» манбаси «Bloomberg» хабарига таяниб хабар берди.

Нашрга кўра, АҚШ иттифоқчилари ёрдамида Хитойга яримўтказгич технологиялари, айниқса, сунъий интеллект соҳасида етакчи бўлган «Nvidia» компаниясининг чипларини етказиб беришга қўйилган чекловларни янада кучайтиришни режалаштиряпти.

Бунда ташқари, Гонг Конгнинг «Hang Seng» индекси дастлаб 2,7% га пасайди. Бу эса технология гиганти бўлган «Alibaba» аксияларининг 8% га тушиши фонида содир бўлгани тахмин қилинди. «Alibaba» компаниясининг АҚШдаги депозитор квитансиялари ҳам 10% га қадрсизланди. Шунга қарамасдан, инвесторлар қисқа муддатли пасайишдан фойдаланиб, аксияларни сотиб олишни бошлагач, индексдаги пасайиш бироз юмшади.

АҚШ фонд бозорида эса сунъий интеллектга қаратилаётган йирик инвестициялар тўғрисида шубҳалар кучаймоқда. «Nvidia» компаниясининг ҳафтанинг чоршанба куни эълон қилинадиган молиявий ҳисоботлари олдидан инвесторлар эҳтиёткорликни биринчи чора сифатида кўриши мумкин. Таҳлилчилар компаниянинг чораклик даромади 72% га ўсишини тахмин қилинаётган бўлса-да, аммо бу натижалар инвесторлар ишончини тиклай оладими — бу ҳали номаълум.

AQSh-Xitoy texnologik urushi global iqtisodiyot va innovatsiyalar bozorida muhim o‘rin tutadi. Xitoy esa o‘z navbatida texnologik mustaqillikka erishish uchun ichki ishlab chiqarish va ilmiy tadqiqotlarni rivojlantirishga katta mablag‘ yo‘naltirmoqda.

Пекин сунъий интеллект, 5G ва квант технологияларини ривожлантириш орқали АҚШ билан тенг рақобатлашишга ҳаракат қиляпти. Бу технологик уруш Осиё, Европа ва ҳатто Лотин Америкаси бозорларига таъсир ўтказиши мумкин, чунки кўплаб мамлакатлар икки давлат ўртасидаги иқтисодий зиддиятдан таъсирланади. Айниқса, яримўтказгичлар ва сунъий интеллект технологияларига қарам бўлган саноат тармоқлари глобал таъминот занжирларида узилишларга дуч келиши мумкин.

Хулоса қилиб айтганда, АҚШ ва Хитой ўртасидаги технологик уруш молиявий бозорларга салбий таъсир кўрсатишда давом этмоқда. Инвесторлар келгуси ҳафталарда бозорлардаги вазиятни аниқлаштирувчи янги иқтисодий кўрсаткичларни интизорлик билан кутаётгани, бунинг эса келгусидаги икки йирик давлатнинг тадбиркорлари ўртасидаги совуқ муносабатнинг векторлари қандай бўлишини аниқлаб беради.