Архив сурат

Беларусь 2025 йилнинг 26 январь куни амалдаги президент Александр Лукашенко еттинчи муддатга сайланиши мумкин бўлган президентлик сайловини ўтказишни режалаштирмоқда.

Мамлакат Марказий сайлов комиссияси чоршанба куни Минскда ушбу сиёсий тадбир санасини эълон қилди ва парламент овоз бериш санасини тасдиқлаган.

Амалдаги давлат раҳбари аввалги сайловларни манипуляция қилишда ва сиёсий мухолифатни бостиришда айбланиб келади. У шу йил бошида 2025 йилда қайта сайланиш учун ҳаракат қилишини айтган эди. Мухолифат Лукашенконинг 30 йиллик бошқарувини узайтириш учун бериладиган овозларни тан олмасликка чақирмоқда.

Аввалги овоз беришларда бўлгани каби, 2020 йилдаги сўнгги сайловлар ҳам кенг тарқалган сохталаштиришлар ҳақида хабарлар фонида ўтган эди. Марказий сайлов комиссиясининг ўша йили Лукашенконинг ғалабасини эълон қилиши бир неча ҳафталик оммавий норозилик намойишларига сабаб бўлганди. Бу эса Беларусни деярли инқилоб олиб келиб қўйган эди.

Бироқ, Лукашенко вазиятни ўз зиммасига олишга муваффақ бўлди ва минглаб одамлар ҳибсга олинди ёки қочиб кетди. Маълумотларга кўра, ҳозир Беларусда 1300 нафарга яқин сиёсий маҳбус бор.

2020 йилда сургунга мажбурланганлар орасида Светлана Тихановская ҳам бор эди, у 60 фоиздан кўпроқ овоз билан ғалаба қозонганини даъво қилган. У эркин ва адолатли “пойга” бўлиши эҳтимолига шубҳа қилиб, янги сайлов санаси эълон қилиниши билан қоралади.

“Лукашенко ўзининг қайта сайланиши санасини эълон қилди. Ҳеч қандай муқобил номзод ёки кузатувчига рухсат берилмайди. Биз беларусликлар ва халқаро ҳамжамиятни буни рад этишга чақирамиз”, — деб ёзган у ижтимоий тармоқларда.

Аввалроқ, Россия президенти Владимир Путин билан муносабатларнинг совуқлашиши фонида Ғарб билан вазиятни юмшатишга яқин келган Лукашенконинг сўнгги ўн йил ва ундан кўпроқ вақт давомида сиёсий мухолифатга қарши тазйиқлари унинг Москвага янада яқинроқ қайтганини кўрсатди. 2022 йил феврал ойида у Россия қўшинларига Украинага бостириб кириш учун Беларусь ҳудудидан фойдаланишга рухсат берди. Россия стратегик ядро қуролларини Беларусь ҳудудида жойлаштириш режасини эълон қилди. Лукашенко яқинда агар унинг давлатига ҳужум қилинса, ядро қуролидан фойдаланиши ҳақидаги таҳдидларини такрорлади.