Айрим тиббий жиҳозлар клиник тадқиқотларсиз рўйхатдан ўтказилади
Иллюстратив фото
Адлия вазирлигида «Тиббий жиҳозларнинг клиник тадқиқотларини ўтказиш тартиби тўғрисида»ги низом давлат рўйхатидан ўтказилди. Бу ҳақда «Ҳуқуқий ахборот» Telegram каналида хабар берилди.
Низомга кўра, қуйидаги тиббий жиҳозлар клиник тадқиқотларсиз давлат рўйхатидан ўтказилади:
• хавфсизлик классификацияси бўйича I синфга мансуб тиббий жиҳозлар;
• Жаҳон соғлиқни сақлаш ташкилоти томонидан қайта малакаланган (prequalification), ЖСТ билан ҳамкорликда рўйхатдан ўтказиладиган «In vitro» ташхис тиббий жиҳозлари;
• Ўзбекистонда клиник тадқиқотлари олдин ўтказилган тиббий жиҳозлар.
Қайд этилишича, клиник тадқиқотларни ўтказиш тўғрисидаги қарор Марказ тавсияси асосида Соғлиқни сақлаш вазирлиги томонидан ташкил этилган Экспертлар кенгаши томонидан қабул қилинади.
Шунингдек, клиник тадқиқотлар тиббий жиҳознинг хавфсизлик даражасидан келиб чиқиб, камида 20 нафар клиник тадқиқот субъекти жалб этилган ҳолда ўтказилиши белгиланган.
Тавсия этамиз
Кўп ўқилганлар
- Абдуқодир Ҳусанов яна бир бор «Реал Мадрид»га қарши ўйнайди
- Болалар саратонига қарши кураш: халқаро ҳамкорликдаги муҳим қадам
- Ўзбекистоннинг 7 та моддий ва номоддий маданий мерос объектлари AYSESKO рўйхатига киритилди
- Суперлиганинг 2026 йилги мавсуми бошланмоқда
- Ҳар бурчагида тарих яширинган шаҳар — Лондондан фоторепортаж
- Дзюдо бўйича Тошкент “Катта дубулға” мусобақаси бошланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг