Франция пойтахтида ўтказилаётган ёзги Олимпиада ўйинларида ўзбек спортчилари ўз иштирокларини давом эттирмоқда.

Бокс бўйича Ўзбекистон терма жамоаси аъзоси Абдумалик Халоков (-57 кг) олтин медаль учун Қирғиз Республикаси вакили Мунарбек Саидбек ўғлига қарши рингга кўтарилди.

Қизиқарли кечган баҳснинг биринчи раундида ҳамюртимиз 5:0 ҳисобида рақибини ютди. Иккинчи раунд ҳам худди ҳисобда боксчимиз фойдасига ҳал бўлди. Шу тариқа бутун жанг давомида устунлик қилган Абдумалик Олимпиада ўйинларининг олтин медалини қўлга киритди.

Париж Олимпиадасида ўз иштирокини 1/8 финал босқичида бошлаган Абдумалик Халоков бу босқичда Швеция вакили Небиль Ибрагим 5:0 ҳисобида енгди. Чорак финалда эса Испания вакили Хосе Килесга ҳам ҳеч қандай имконият қолдирмади — 5:0. Шу тариқа ярим финалга йўлга ҳамюртимиз бу сафар австралиялик Чарли Сениорга ҳам ҳеч қандай имконият қолдирмади.

Маълумот учун айтиш мумкинки, Абдумалик Халоков Анвар ўғли 2000 йил 9 апрелда Бухорода туғилган. Абдумалик 2023 йилда жаҳон чемпиони бўлган бўлса, 2021 йилда кумуш медалини қўлга киритганди. Шунингдек, у 2022 йилда Осиё ўйинлари ва Осиё чемпиони бўлган.

Аввалроқ, «Токио-2020» ғолиби Акбар Жўраев «Париж-2024»да кумуш медалига эга чиққанди.