Фото: diariopopular.com

Украинада 800 мингга яқин эркак ҳарбий сафарбарликдан яшириниб юрибди. Бу ҳақда Олий рада депутати Дмитрий Наталуха «Financial Times» нашрига хабар берган.

Маълум бўлишича, Украинада кўплаб ишчилар ҳарбий хизматга чақирилаётгани сабабли компаниялар ўз фаолиятини давом эттиришга қийналмоқда. Масалан, йирик пўлат ишлаб чиқарувчи «Interpipe» ҳарбий хизматга чақирилиш хавфи остида бўлган малакали ишчиларни сақлаб қолишга ҳаракат қилаётгани учун жиддий муаммоларга дуч келган.

1000 дан ортиқ бўш иш ўринлари мавжуд бўлган компания ва бошқа корхоналар Киевдан иқтисодиётни барқарор сақлаш учун ҳарбий хизматдан оммавий озод қилишни талаб қилган.

«Interpipe» компаниясининг кадрлар бўлими директори Виталий Пахомов вазиятни ширкат қўшимча сменалар орқали ишлаб чиқаришни сақлаб қолишга муваффақ бўлди, аммо кейинги сафарбарлик мутлақ зарар келтириши мумкин.

Қайд этилишича, бу муаммони ҳал қилиш учун Украинанинг йирик корхоналари компанияларга ишчиларни муддатли ҳарбий хизматдан озод қилиш учун ойлик тўловни тўлаш имконини берувчи қонун лойиҳасини таклиф қилишди. Яна бир таклиф маълум маошдан юқори маош оладиган эркакларни озод этишни таклиф қилади. Ушбу чора-тадбирлар иқтисодиётни ҳимоя қилишга ва мамлакат қуролли кучларини молиялаштиришда давом этишини таъминлашга қаратилган.

Парламентнинг иқтисодий масалалар бўйича қўмитаси раҳбари Дмитрий Наталуха уруш ҳаракатларини қўллаб-қувватлашда иқтисодиётнинг муҳимлигини таъкидлади. «Сиз 1 миллион одамни сафарбар қилишингиз мумкин, аммо уларни жиҳозлаш учун ресурсларингиз бўлмаса, уруш бўлмайди», деди у.

Наталуханинг таъкидлашича, таклиф этилаётган қонун лойиҳаси ҳарбийлар учун сезиларли даромад келтириши ва олдиндан айтиб бўлмайдиган ташқи ёрдамга боғлиқлигини камайтириши мумкин.

Шунга қарамасдан, таклифлар ҳарбий хизматдан озод қилишни белгилайдиган «касталар тизими»нинг потентсиал пайдо бўлишига олиб келиши мумкин деган хавотирларни ҳам пайдо қилган.

Украина расмийларининг таъкидлашича, ҳозирги тизим аллақачон бузуқ, айрим одамлар ҳарбий хизматдан қутулиш йўлини изламоқдалар ва уни сотиб олишмоқда. Европа бизнес ассоциацияси ижрочи директори Анна Деревянконинг билдиришича, коррупциядан тушган маблағлар давлат бюджетига фойда келтирмайди, балки амалдорлар чўнтагига тушади.

Бундан ташқари, 800 мингга яқин эркаклар манзилини ўзгартириб, нақд пулга ишлаш орқали вазиятни янада мураккаблаштираётгани хабар қилинган. «Сиз урушда шунчаки адолат билан ғалаба қозона олмайсиз. Уруш ўз-ўзидан адолатсиздир», деган Дмитрий Наталуха.

Аввалроқ, Вьетнам президенти Коммунистик партия бош котибилиги учун лавозимидан воз кечиши мумкинлиги ҳақида хабар берилганди.