Инсон умрининг заволи ёки ХХI аср вабоси гиёҳвандлик воситаларининг четдан ноқонуний олиб кирилиши, сақланиши, тайёрланиши ҳамда айланишига қарши ҳуқуқни муҳофаза қилувчи органлар томонидан мунтазам тезкор тадбирлар ўтказиш орқали қарши кураш олиб борилмоқда. 

Жумладан, Фарғона вилояти божхона бошқармаси контрабандага қарши курашиш бўлими ходимлари вилоят ДХХ ходимлари билан ҳамкорликда Олтиариқ туманида гиёҳвандлик воситаларининг ноқонуний айланмасига қарши навбатдаги тезкор тадбири ўтказилди.

Ўтказилган тезкор тадбир давомида вилоятнинг Олтиариқ тумани марказида жойлашган савдо дўконлари олдида уч нафар фуқаролар томонидан олдиндан ўзаро жиноий тил бириктириб жуда кўп миқдордаги гиёҳвандлик воситаларини “шартли харидор”га 13 000 АҚШ долларига ўтказаётган вақтларида тезкор ходимларни кўриб ўзларига тегишли бўлган бир дона қора целлофандаги ашёларни ташлаб қочмоқчи бўлган вақтларида тадбир иштирокчилари томонидан тўхтатилиб қолинди. Далилий ашё сифатида олинган 1 дона ўрамдаги ўткир ҳидли гиёҳвандлик воситасига ўхшаш моддалар экспертиза хулосасига асосан оғирлиги 789 грамга тенг бўлган “гашиш” гиёҳвандлик моддаси эканлиги маълум бўлди. 

Ҳозирда мазкур ҳолат юзасидан Ўзбекистон Республикаси Жиноят кодексининг 273 моддаси бешинчи қисми билан жиноят иши қўзғатилиб дастлабки тергов ҳаракатлари олиб борилмоқда