1 июнь – Халқаро болаларни ҳимоя қилиш куни

Фото: Ҳасан Пайдоев / «Халқ сўзи»

Ушбу кун 1925 йил Женевада болалар фаровонлигига бағишланган Бутунжаҳон конференциясида таъсис этилган бўлса, орадан 25 йил ўтиб, 1950 йилдан байрам сифатида нишонлаб келинади.

Болалар ҳаётимиз давомчилари, келажагимиз эгаларидир. Бинобарин, уларни асраб-авайлаш, ҳар томонлама баркамол қилиб вояга етказиш ҳар бир давлат, ҳар бир оила, ҳар бир ота-онанинг муқаддас бурчидир.

Ўзбекистонда ҳам фарзандларимиз ана шундай меҳр-муҳаббат, улкан ғамхўрликлар оғушида вояга етмоқда.

«Пандемия туфайли карантин жорий этилганининг битта яхши томони ҳам бор экан. У ҳам бўлса, оилада ҳамма жамулжам. Айниқса, бундан биз болалар хурсанд, — дейишмоқда улар. — Ота-оналаримиз билан биргаликда дарс тайёрлаш, китоб ўқиш, боғда ишлаш, телевизор кўриш, компьютер ўйнаш қандай мароқли»