«Ал-Наср» Саудия Арабистони чемпионатида навбатдаги ғалабани қўлга киритди
Кеча, 25 октябрь куни Саудия Арабистони Профессионал лигасининг 6-туридан ўрин олган ўйинлар старт олди. Тур доирасида Криштиану Роналду бошчилигидаги «Ал-Наср» клуби «Ал-Ҳазем» жамоаси майдонига сафар қилди.
Учрашувнинг 25-дақиқасида ҳисоб очилди. Айман Яҳёнинг узатмасидан сўнг, Жоау Феликс ўз номини таблога ёздириб қўйди. Биринчи бўлим 0:1 ҳисоби билан якунланди.
Иккинчи бўлимнинг 88-дақиқасида Криштиану Роналду ҳисобни 2:0 кўринишига келтирди. Уэслейнинг узатмасидан сўнг, Криштиану бу мавсум Саудия чемпионатидаги бешинчи голини киритди.
Учрашув айнан 2:0 ҳисоби билан якунланди. Ўйиндан сўнг, «Sofascore» портали «Ал-Наср» ярим ҳимоячиси Айман Яҳёни ўйин қаҳрамони деб топди. Унинг ҳаракатлари портал томонидан 8,1 баллга баҳоланди.
Маълумот учун, «Ал-Наср» кейинги ўйинини 28 октябрь куни «Қирол кубоги» мусобақаси доирасида «Ал-Иттиҳод» жамоасига қарши ўтказади.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Тошкентда дипломатик ваколатхоналар ва халқаро ташкилотлар ўртасида ХІХ халқаро мини-футбол турнири ташкил этилди
- Ҳар бир ҳудудда “Касаба уюшмалари боғлари” ташкил этилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг