Қозоғистонда Telegram офиси очилди
Фото: Акорда
Қозоғистон Президенти Қасим-Жомарт Тоқаев Telegram мессенжери асосчиси Павел Дуровни қабул қилди. Бу ҳақда Акорда матбуот хизмати хабар берди.
Қайд этилишича, учрашув Халқаро “Digital Bridge 2025” форуми доирасида бўлиб ўтган. Суҳбат давомида таълим, сунъий интеллект ва киберхавфсизлик соҳаларида ҳамкорлик масалалари муҳокама қилинган.
Тоқаев Telegramʼнинг мамлакатда рақамли кун тартибини ривожлантиришга қўшган ҳиссасини юқори баҳолаган. Чунки компания эндиликда расман “Astana Hub” иштирокчисига айланган, Қозоғистонда ўз офисини очган ва “AIem.Ai” марказида сунъий интеллект лабораторияларини йўлга қўйган.
Ўз навбатида Павел Дуров Қозоғистон Президентига сунъий интеллект соҳасидаги қўшма лойиҳаларни амалга ошириш истиқболлари ҳақида маълумот берган.
Тавсия этамиз
Кўп ўқилганлар
- Ўзбекистонда доллар курси пастлади
- Жаҳон олимлари нигоҳи яна Ўзбекистонга қаратилди
- «Бунёдкор» мураббийи Сергей Арсланов вафот этди
- Экрандаги қабоҳатнинг ҳаётдаги акси ёки енгил-елпи сериаллар жамиятга нима беряпти?
- Президент Ўзбекистон ўқитувчи ва мураббийларига табрик йўллади
- Нью-Йорк манзаралари
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг