Собиқ «электросеть» муҳандиси тадбиркорни 7 минг АҚШ долларига чув туширмоқчи бўлди
Бош прокуратура ҳузуридаги Департаментнинг Самарқанд вилояти бошқармаси томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда ургутлик тадбиркорни чув туширмоқчи бўлган фирибгар фош қилинди. Бу ҳақда Департаментнинг матбуот хизмати хабар қилди.
Маълум бўлишича, Ургут тумани электр таъминоти корхонаси собиқ муҳандиси А.Н. (муқаддам судланган) «З.Ҳ.» МЧЖ ҳисобчиси Ф.Н.нинг ишончига кириб, ушбу МЧЖнинг қуруқ мевани қайта ишлаш фаолияти узлуксиз ишлаши учун 14 минг АҚШ доллари талаб қилган.
А.Н. бунинг эвазига алоҳида электр тармоғини тортиб, янги трансформатор ўрнатиши ҳамда тегишли ҳужжатларини расмийлаштириб беришини ваъда қилган. Шундан 7 минг АҚШ долларини фирибгарлик йўли билан қўлга киритишга ҳам эриша олган.
«Текширув давомида А.Н.томонидан 7 минг АҚШ долларининг қайтарилиши процессуал тартибда расмийлаштирилди. Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда», дейилади хабарда.
Аввалроқ, Бош прокуратура ҳузуридаги Департамент Сурхондарёда ҳуқуқбузарларни қўлга туширганди.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг