JSST “COVID-19” bilan kasallanishning koʻpayishi ehtimolini baholadi

00:16 17 Iyun 2022 Dunyo
500 0

Foto: Reuters

JSSTning Rossiyadagi vakili Vuynovichning aytishicha, 2022-yilda “COVID-19” bilan kasallanish koʻpayishi mumkin.

Jahon sogʻliqni saqlash tashkilotining (JSST) Rossiyadagi vakili Melita Vuynovich 2022-yilda “COVID-19” bilan kasallanish koʻpayishiga haqida oʻz fikrlarini aytib oʻtdi

“Koʻp odamlar emlash yoki tabiiy ravishda virus bilan uchrashmaganligini hisobga olsak, kasallanishning maʼlum darajada oshishini kutish mumkin”, deydi u. Shu bilan birga, Vuynovich bu qachon sodir boʻlishini oldindan aytish juda qiyinligini taʼkidladi.

JSST vakili, shuningdek, gripp epidemiyasining kuchliroq namoyon boʻlish ehtimolini ham istisno qilmadi. Lokdaunlar va boshqa koronavirus cheklovlari oʻrnatilganda, uning soʻzlariga koʻra, odamlar kamroq infeksiyalarni boshdan kechirishgan va boshqa respirator viruslar bostirilgan. 

Uning taʼkidlashicha, endilikda har ikki virusni ham kuzatib borish va aholining zaif qatlamlarini, jumladan immuniteti past va 60 yoshdan oshgan odamlarni, shuningdek, bolalar va homilador ayollarni himoya qilish zarur.

Vuynovich toʻplangan tajriba, dori-darmon va vaksinalar kelajakda ushbu pandemiyaga qarshi kurashishda yordam berishini taʼkidladi. Shu bilan birga, u dunyo milliy sogʻliqni saqlash tizimlarining zaif tomonlarini koʻrsatgan. 

Avvalroq, Vuynovich “COVID-19”ga qarshi Rossiyaning “Sputnik V" vaksinasini tan olish jarayoni toʻxtamagani, JSST Rossiya toʻgʻridan-toʻgʻri investitsiya jamgʻarmasi bilan muzokaralarni davom ettirayotganini aytgan edi. «Biz Rossiya tomonining takliflarini kutmoqdamiz. Ammo jarayon toʻxtagani yoʻq”, deydi Vuynovich.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер