Jizzax viloyat hokimining oʻrinbosari-Investitsiyalar va tashqi savdo boshqarmasi boshligʻi lavozimiga Nurmatov Nodir Bahodirovich tayinlandi. Bu haqda viloyat hokimligi Axborot xizmati xabar berdi.

Nodir Nurmatov 1979-yilda Toshkent shahrida tavallud topgan. Maʼlumoti oliy 2002-yilda AQSH davlatidagi Nyu-York universitetining yuridik maktabi, 2005-yilda Jahon iqtisodiyoti va diplomatiya universiteti (bakalavr) va 2007-yilda Jahon iqtisodiyoti va diplomatiya universiteti tamomlagan.

U mehnat faoliyatini Tashqi ishlar vazirligi Tashqi iqtisodiy aloqalar investitsiyalar va savdo vazirligida olib borgan. Jumladan, 2016-2021-yillarda Oʻzbekiston Respublikasining Xitoy Xalq Respublikasidagi elchixonasining savdo-iqtisodiy masalalar boʻyicha maslahatchisi lavozimida faoliyat koʻrsatgan.

2021-yilning 7-sentyabr sanasidan boshlab, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 21-, 25-moddalariga asosan, Jizzax viloyati hokimining oʻrinbosari-Investitsiyalar va tashqi savdo boshqarmasi boshligʻi etib tayinlandi.

Eslatib oʻtamiz, 2018-yildan beri Jizzax viloyati hokimining oʻrinbosari-Investitsiyalar va tashqi savdo boshqarmasi boshligʻi boʻlib ishlab kelayotgan Axmedxadjayev Azim Israilovich Oʻzbekiston Respublikasi Energetika vazirining birinchi oʻrinbosari boʻlganligi haqida xabar berib oʻtgandik.