Janubiy Koreyaning Namseul universitetida “Oʻzbekshunoslik” kafedrasi ochildi
![](https://xs.uz/upload/post/2024/07/21/73b54dcef53ddb1ab8b57f3d53a545b80721.jpg)
“Ipak yoʻli” turizm va madaniy meros xalqaro universiteti tashabbusi bilan Koreya Respublikasining Namseul universitetida “Oʻzbekshunoslik” kafedrasi ochildi. Bu haqda “Dunyo” axborot agentligi xabar berdi.
Qayd etilishicha, “Ipak yoʻli” turizm va madaniy meros xalqaro universiteti Turizm kafedrasi mudiri Akmaljon Odilov hamda kafedra oʻqituvchisi Muslima Amiriddinova 17-iyul kuni Namseul universitetiga tashrif buyurdi. Safar davomida universitet vitse-prezidenti, professor Yun-Seok Li va boshqa masʼullar bilan uchrashuv oʻtkazildi. Unda ikki universitet vakillari kelishuvi asosida ochilayotgan “Oʻzbekshunoslik” kafedrasi faoliyatini qoʻllab-quvvatlash masalalari koʻrib chiqildi.
Tomonlar kafedraning Oʻzbekiston tarixi va madaniyati, oʻzbek tili va adabiyotini Koreya Respublikasida keng targʻib qilishda muhim oʻrin egallashiga umid bildirdi.
Namseul universiteti vitse-prezidenti Yun-Seok Li “Oʻzbekshunoslik” kafedrasiga masʼul etib universitetning oʻzbekistonlik professori Zoir Sattarovni tayinlanganini maʼlum qildi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring