Yoshlar va biznesni qoʻllab-quvvatlash yilida islohotlar samaradorligini oshirish masalalari koʻrib chiqildi

23:48 10 Yanvar 2024 Siyosat
1106 0

Oʻzbekiston Respublikasi Prezidenti Shavkat Mirziyoyev 10-yanvar kuni iqtisodiy rivojlanish, samarali boshqaruv va xalqaro hamkorlik masalalari boʻyicha maslahatchi Suma Chakrabarti bilan amaliy uchrashuv oʻtkazdi.

“Oʻzbekiston — 2030” strategiyasi doirasidagi ijtimoiy-iqtisodiy islohotlarning borishi va ularning samaradorligini oshirish borasidagi navbatdagi qadamlar koʻrib chiqildi.

Strategiyani yurtimizda Yoshlar va biznesni qoʻllab-quvvatlash yili deb eʼlon qilingan 2024-yilda amalga oshirishning amaliy jihatlariga alohida eʼtibor qaratildi.

Xorijiy investitsiyalarni jalb qilishni faollashtirish, tadbirkorlik va xususiy mulk uchun keng imkoniyatlarni shakllantirish, fan, innovatsiyalar va IT sohasini rivojlantirish, “yashil” va raqamli texnologiyalarni joriy qilish kabi yoʻnalishlarda ichki zaxiralarni yanada samarali ishga solish va xorijiy hamkorlar bilan sheriklikni mustahkamlash masalalari muhokama qilindi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер