Matbuot markazi zamonaviy texnikalar bilan jihozlangan bo‘lib, yuqori tezlikdagi internet tizimiga ulangan. Bu yerda malakali jurnalistlar, tasvirchi va fotograflar ish olib borayapti.

Prezident Matbuot xizmatining ma’lum qilishicha, ushbu markaz davlatimiz rahbarining AQShga bo‘ladigan tarixiy tashrifini barcha ommaviy axborot vositalarida, xususan, internetda atroflicha yoritish, tashrif bilan bog‘liq voqealarga oid ma’lumotlarni  aniq, ishonchli va tezkor ravishda yetkazib berishda muhim ko‘prik vazifasini o‘taydi.

Tashrif bilan bog‘liq bo‘lgan tadbirlar, xususan, aeroportda kutib olishdan tortib, uchrashuvlar, muzokaralar, hujjatlar imzolash marosimlari — barcha jara    yonlar MTRKning “O‘zbekiston 24” telekanali orqali va Prezidentning ijtimoiy tarmoqlardagi rasmiy sahifalarida to‘g‘ridan-to‘g‘ri va tezkorlik bilan efirga uzatilishi rejalashtirilayapti.

Tashrif avvalida yigirmaga yaqin tadbirlar, turli uchrashuvlar o‘kazish, taniqli xalqaro ekspertlar, AQShning keng jamoatchilik vakillari bilan intervyular uyushtirish ko‘zda tutilgan edi. Ularning aksariyati tashkil qilinib, ommaviy axborot vositalarida navbatma-navbat berilmoqda. Bu jarayon davom etayapti. 

Shuningdek, 14 may kuni Vashingtondagi AQSh Milliy press-klubida O‘zbekiston va AQShlik ekspertlar ishtirokida brifing tashkil etilishi rejalashtirilgan. 

Shavkat ORTIQOV, 
“Xalq so‘zi” maxsus muxbiri.
Vashington, Amerika Qo‘shma Shtatlari.