Qariyb ikki asrlik tarixga ega boʻlgan Turkiya Respublikasi Prezidenti Administratsiyasi (CSO) simfonik orkestrining yangi binosi tantanali ravishda foydalanishga topshirildi.

Anqara shahrida qurilgan muhtasham binoning ochilish marosimida Turkiya Prezidenti Rajab Toyyib Erdoʻgʻan hamda Madaniyat va turizm vaziri Mehmet Nuri Ersoy ishtirok etdi.

Mazkur inshoot loyihasi arxitektor Semra va Oʻzjan Uygur tomonidan ishlab chiqilgan boʻlib, uning yopiq maydoni 62 547 kvadrat metrga teng. Bu yerda Prezident simfonik orkestri, shuningdek, Anqara davlat polifonik musiqalari xori, Anqara Turk Jahon musiqa ansambli, Anqara davlat turk xalq musiqalari xori, Anqara davlat mumtoz turk musiqalari xori va Davlat xalq raqs ansambli joylashadi. Yangi binoda 2023 kishiga moʻljallangan katta konsert zali, 500 kishiga moʻljallangan kichik konsert zali, 10 ming kishiga moʻljallangan ochiq konsert maydoni va Prezidenti Administratsiyasi simfonik orkestri muzeyi ham mavjud.

Jami Jon Deliorman boshchiligida oʻtkazilgan tadbirda dunyoga mashhur soprano Angela Georgiu, fortepiano dueti opa-singil Guher va Suher Pekinel va pianinochi Idil Biret qatnashdi.