Қарийб икки асрлик тарихга эга бўлган Туркия Республикаси Президенти Администрацияси (CСО) симфоник оркестрининг янги биноси тантанали равишда фойдаланишга топширилди.

Анқара шаҳрида қурилган муҳташам бинонинг очилиш маросимида Туркия Президенти Ражаб Тоййиб Эрдўған ҳамда Маданият ва туризм вазири Меҳмет Нури Эрсой иштирок этди.

Мазкур иншоот лойиҳаси архитектор Семра ва Ўзжан Уйгур томонидан ишлаб чиқилган бўлиб, унинг ёпиқ майдони 62 547 квадрат метрга тенг. Бу ерда Президент симфоник оркестри, шунингдек, Анқара давлат полифоник мусиқалари хори, Анқара Турк Жаҳон мусиқа ансамбли, Анқара давлат турк халқ мусиқалари хори, Анқара давлат мумтоз турк мусиқалари хори ва Давлат халқ рақс ансамбли жойлашади. Янги бинода 2023 кишига мўлжалланган катта концерт зали, 500 кишига мўлжалланган кичик концерт зали, 10 минг кишига мўлжалланган очиқ концерт майдони ва Президенти Администрацияси симфоник оркестри музейи ҳам мавжуд.

Жами Жон Делиорман бошчилигида ўтказилган тадбирда дунёга машҳур сопрано Ангела Георгиу, фортепиано дуэти опа-сингил Гуҳер ва Суҳер Пекинел ва пианиночи Идил Бирет қатнашди.