Turkiyaga katta miqdorda, yaʼni, 600 million dollarlik soxta 50 va 100 dollarlik kupyuralar olib kirilgani aniqlangan. Shu sabab bilan banklar valyuta ayirboshlashni toʻxtatdi. Maʼlum boʻlishicha, pul hisoblagichlari va bankomatlar soxta banknotalarni ajrata olmayapti.

Taʼkidlanishicha, bozorda 1 yarim oydan beri soxta 50 va 100 dollarlik muomalada yuribdi. Ushbu banknotalar dasturiy taʼminot yangilanmagan pul hisoblagichlaridan oʻtayotgani maʼlum boʻlgach, banklar va ayirboshlash shoxobchalari ularni sotib olishni toʻxtatdi.

Bir muddat oldin Oʻzbekistonning Istanbuldagi Bosh konsulxonasi ham Turkiyadagi fuqarolarini soxta kupyuralar borasida ogohlantirgan edi.

TV100 telekanalida soʻzlagan pul bozorlari boʻyicha mutaxassis Islom Memish, jumladan, “texnologiya qanchalik rivojlangan boʻlsa, qalbaki pul sotuvchilarning ishi shunchalik osonlashishi, ular sunʼiy intellekt kabi zamonaviy texnologiyalardan foydalanishi hamda raqamli uskunalar sabab aldanib qolmaslikning iloji boʻlmayotgani“ni aytgan.

Bankomatlar soxta pullarni nega aniqlay olmayotganiga sunʼiy intellekt quyidagicha javob berdi:

Bankomatlarning soxta kupyuralarni aniqlash samaradorligi ular qanchalik zamonaviy boʻlishiga bogʻliq. Eski yoki texnologik jihatdan kam rivojlangan bankomatlar soxta kupyuralarni har doim aniqlay olmaydi. Shuningdek, juda ustalik bilan tayyorlangan soxta pullar baʼzida tekshiruvdan oʻtib ketishi mumkin.

Bankomat shubhali kupyurani aniqlasa, odatda uni qaytarib bermasdan ushlab qoladi va bu haqda bankka xabar yuboradi.